• galeria
• denda
• biografia
• kontaktatu

Bilduma honen lehen liburua, “Baso baten egunerokoa”, jaio eta hazi nintzen lekuaz mintzo zen: Goizuetaz.

Bigarren liburu hau, lehenaren jarraipena dela eta xenda eta izpiritu bera jarraitzen duela erran daiteke, baina, Euskal Herri osoko paisaiari zabaltzen dio mapa.

Etxetik aterarazten nauena zera da: Lau aroetako gune ederrenak eta toki esanguratsuenak atzematea kamararekin. Ideia:Beraiengan aurkitzea irudiek erakusten diguten izkutuko zehaztapena.

Era horretan, ezagutzak eta esperientziak hitz bakarrean bat egiten dute: Harridura.
Bidaia, beraz, leku berriez eta une ahaztezinez lepo dago, zeintzuk metatzen doazen “Esentzia” izenez bataiatu nahi izan dudan liburu honetan.

Lehenengo aldiz Alaskara joan nintzenean sentitu nuen liburu hau sortzeko beharra.
Maiz gertatzen zaigu, kanpora joan artean ez ditugula eguneroko gauzak bere neurrian baloratzen, ez baikara jabetzen gure inguruan aurkitzen denak norberarengan duen garrantziaz.
Niri behintzat hori gertatu zitzaidan, etxetik milaka kilometrotara aurkitzen nintzelarik konturatu bainintzen umetatik egunero bisitatzen nituen txoko horiek niretzako zuten benetako garrantziaz. Hortik jaio zen liburu hau sortzeko ideia, eta ordutik nire txokoak argazkien bidez erakusteko proiektua forma hartuz joan da.
Liburuan agertzen diren lekuak, behin eta berriz erretratatu izan ditut urtaro eta egoera desberdinetan. Baina lan hau, gustukoen ditudan momentuak eta bizipenak erakusten dituzten argazkiek osatzen dute.

Sei urtez Euskal Herrian barrena ibili ondoren bertako animalia eta txokoak behatuz, hau izan da lan honen fruitua.
Bertan gure lurraldeko animalia eta paisai ikusgarrienak eta ezezagunenak ikusteko aukera izango da, hontz haundia, erlatxoriak Áfrikatik bueltan, edo ta kataginetaren gaueko ibilerak ezagutuko ditugu.
Betiko irudietatik urrundu nahian, Euskal Herriko beste ikuspuntu bat proposatzen da, formak, koloreak eta xehetasun garrantzia hartzen dutelarik.